ಕಲ್ಪನೆ

ನಾಳೆಯ ನಿರೀಕ್ಷೆ ಇಲ್ಲದೆ 
ನೆನ್ನೆಯ ನೆನಪಿಲ್ಲದೆ 
ಬದುಕು ಸಾಧ್ಯವೆ? 
ನಾಳೆಯ ಕನಸು 
ನೆನ್ನೆಯ ನೆನಪು 
ಇಂದಿನ ಬದುಕು 
ಎಲ್ಲವು ಬೇಕು ಈ ಜೀವಕೆ 
ನೆನಪಿನ ಸೂರಡಿ 
ಕನಸಿನ ಮನೆ ಮಾಡಿ 
ನಿರೀಕ್ಷಿಸಿದ ನಾಳೆಯ ಬಗ್ಗೆ 
ಯೋಚಿಸುವುದೇ ಜೀವನ 

ನೆನಪು ಕನಸುಗಳೇನೇ ಇದ್ದರು 
ವಾಸ್ತವವದೇ ಸತ್ಯ 
ಇದನರಿಯದೆ ಭ್ರಮೆಯಲ್ಲಿದ್ದೆ 
ಇಷ್ಟು ದಿನದ ಜೀವನವದೆಲ್ಲ ಮಿಥ್ಯ 

ಕಲ್ಪನೆ ಅದು ಜೀವನಕ್ಕಲ್ಲ 
ಕವನಕೆ ಮಾತ್ರ 
ಕನಸ್ಸಿದು ಬದುಕಿಗಲ್ಲ 
ಮನಸ್ಸಿಗೆ ಮಾತ್ರ

                                                    - ಬ ಸ ವ ರಾ ಜ  ಹ ರ ಸೂ ರ