ಕಲ್ಲು ಮನಸ್ಸೆ

ಕಲ್ಲಾಗಿಹೆಯೇಕೆ ನೀ ಮನಸ್ಸೆ 
ಸ್ಪಂದಿಸು ನಿನ್ನೊಳಗಿನ ಭಾವನೆಗಳಿಗೆ 
ಮಂಜಿನಂತೆ ಕರಗುವೆ ಒಮ್ಮೊಮ್ಮೆ 
ಇಂದೇಕೆ ಹೀಗಿರುವೆ ಓ ಮನಸ್ಸೆ 

ಮೂಕ ಮನಸೆ 
ಮಾತಾದು ನೀ ಮನಸ್ಸು ಬಿಚ್ಚಿ 
ಹೆಪ್ಪುಗಟ್ಟಿರುವ ಭಾವನೆಗಳ 
ಬಡಿದೆಬ್ಬಿಸು ನೀ ಓ ಮನಸ್ಸೆ 

ಮಾತು ಮೂಕವಾದರೆ 
ಮನಸು ಮಾತನಾಡದೆ 
ಬಚ್ಚಿಡದಿರು ಭಾವನೆಗಳ, 
ಮೂಕ ಮನಸ್ಸೆ 

ಕಣ್ಣೀರಿನ ಒಂದು ಹನಿ 
ಮನಸ್ಸ ಹಗುರಗೊಳಿಸಿದರೆ 
ಅತ್ತು ಮನವ ತೃಪ್ತಿಗೊಳಿಸೆ 
ಮುಗ್ಧ ಮನಸ್ಸೆ 

ದುಃಖ ಮನದಲ್ಲಿದ್ದರು 
ಮಗುಳ್ನಗೆ ಬೀರುವ ಮುಖಗಳು 
ಈ ನಾಟಕಕ್ಕೆಂದು ಕೊನೆಯೋ 
ಹುಚ್ಚು ಮನಸ್ಸೆ 

ಎದೆಗುಂದದಿರು ನೀನು 
ಕಲ್ಲಾಗಿಹೆ ಇರು ನೀನು 
ಬದಲಾಗುವ ಪ್ರೀತಿಗೆ 
ಮನಸೋಲದೆ ಇರು ನೀನು 
ಕಲ್ಲು ಮನಸ್ಸೆ++

                                                             - ಬ ಸ ವ ರಾ ಜ  ಹ ರ ಸೂ ರ